Gintapos na sang Phoenix ang record sang NorthPort nga wala sang piyerde kag ginpatilaw ini sang ila una nga kalutusan sa iskor nga 115-109 sa nagapadayon nga PBA Commissioner’s Cup.
Nagpanguna sa kadalag-an sang Phoenix si import Donovan Smith nga naglista sang 32 points kag 14 rebounds samtang may ara sang 24 points si Jason Perkins, 15 points naman ang na-record ni Kenneth Tuffins kag 14 points naman ang nalista ni RJ Azul.
Ginpasalamatan ni Phoenix coach Jamike Jarin ang iya mga humalampang para mapagkit ang una nga kadalag-an kun sa diin may ara sila sang apat ka piyerde.
Wala naman nagsalir ang 28 points sang import nga si Kadeem Jack kag 23 point ni Arvin Tolentino kag tig-11 points sanday Joshua Munzon, Evan Nelle kag Sidney Onwubere para sa Batang Pier.
