Indi na maagyan sang kun ano man nga sahi sang salakyan ang Piggatan Bridge sa Alcala, Cagayan matapos ini nga narusdak sang Lunes, Oktubre 6, 2025.
Sandig sa inisyal nga report halin sa Alcala Municipal Disaster Risk Reduction and Management Office (MDRRMO), narusdak ang taytay samtang may pila ka mga trucks nga nagalabay.
Sa subong, nagapadayon pa ang imbestigasyon agud matumod ang rason sang pagtibusok kag kun may napilasan sa amo nga insidente.
Wala pa sang opisyal nga numero sang mga posible nga biktima, apang padayon ang monitoring sang lokal nga gobyerno kag mga awtoridad sa lugar.
Ang Piggatan Bridge ang isa sa mga nagapanguna nga alagyan sa Alcala nga naga-angot sa mga kaiping nga mga kabanwahanan sa Cagayan Valley.
Madugay na nga ginaduso ang rehabilitasyon sang pila ka mga taytay sa rehiyon bangud sa katigulangon kag kadaan sang mga istruktura kag epekto sang mga kalamidad.
Madumuman nga antes pa man ang nasamnbit nga insidente, una na nga narusdak ang Cabagan Bridge sa Isabela, nga nagtuga sang tuman nga pagka-delay sa transportasyon kag negosasyon sa rehiyon.
Ang asud-asod nga pagtibusok sang mga taytay ang nagtuga sang kakugmat sa publiko hanungod sa safety sang mga imprastruktura sa northern Luzon.
Nagpadala na sang mga heavy equipment ang Alcala LGU agud magpatigayon sang clearing operations kag assessment.
