Pila ka estudyante, ginpabombo ang ginapahayag nga indi patas nga pagpili sang Brgy. Badiangon sa President Roxas sa mga benepisyaryo sang educational assistance

Ginpabombo sang pila ka estudyante ang Barangay Captain sang Brgy. Badiangon, President Roxas bangud sa ginapahayag nga indi patas nga pagpili sang mga benepisyaryo sang educational assistance.

Sa interview sang Bombo Radyo kay Alyas Nene, iya ginpahayag nga wala nagasunod sa insakto nga proseso sa pagpili ang nasambit nga Barangay.

Suno kay Alyas Nene, base sa ginpatuman nga guidelines, dapat klaro kag patas ang pagpili sang mga kwalipikado nga benepisyaryo.

Gani, ginpanawagan sini nga dapat nga masiguro nga ang educational assistance mahatag sa mga estudyante nga nagakadapat nga estudyante kag kwalepikado sang programa.

Samtang bukas ang talatapan sang Bombo Radyo sa pagpa-athag sang nasambit nga Punong Barangay sa amo nga reklamo.