Ginalantaw sang House Committee on Good Government and Public Accountability nga irekomendar nga pasakaan sang kaso nga plunder si Vice President Sara Duterte.
May kaangut ini sa indi mapaathag nga paggastos sini sang P112.5 million nga confidential funds.
Ginpahayag ni House Senior Deputy Speaker Aurelio “Dong” Gonzales Jr. nga ini ang ginakunsiderar sang panel kun mapaslawan sa gihapon si Duterte nga ipaathag kun diin nagkato ang P112.5 million nga confidential funds nga na-cash advance sadtong ini pa ang tiglikom sang Department of Education sang tuig 2023.
Ginpahayag pa sang Pampanga 3rd District Representative nga importante ang pag-angkon sang transparency sa paggamit sang pondo sang gobyerno.
Sa mga nagligad nga hearing ginkuwestiyon sang mamalidha kun ngaa napaguwa ang pondo sa tatlo ka nagkalain-lain nga tseke nga nagabalor ang kada isa sang P37.5 milyon nga ginhimo lamang sa una nga tatlo ka quarters sang 2023.
