Pila ka mga artista ang nag-upod sa tuigan nga prusisyon ni Poong Hesus Nazareno ukon Traslacion sa Manila kahapon nga adlaw
Lakip sa mga nagbuylog sa linibo ka mga deboto amo ang bag-ong kasal nga si Kiray Celis kag ang iya bana nga si Stephan Estopia nga may handum nga mabugayan sang ila una nga bata.
Ginpakigbahin man ni Kiray sa isa ka online post nga nangin deboto siya ni Lord Jesus Nazareno humalin sang bata pa siya tubtob subong nga may asawa na siya.
Samtang ang celebrity singer kag deboto sang Nazareno nga si Angeline Quinto ang nag-upod man sa sini nga tuig sa Traslacion.
Si Angeline ang nagkanta sang inspirational song nga “Huwag Kang Mangamba” sa Quirino Grandstand pila ka minutos antes nagsugod ang prusisyon kahapon nga adlaw.
Pila man sa mga sikat nga artista nga nagpabutyag sang ila debosyon kay Poong Hesus Nazareno lakip na ang mga aktor nga sanday Coco Martin, McCoy de Leon, kag madamu pa sang iban.
