ROXAS CITY – Padayon nga gina-imbestigahan sang militar ang pila ka mga kandidato sa Region 6 nga nagapapili para sa nagahilapit nga May 2019 midterm elections nga nagasuporta sa rebelde nga New People’s Army (NPA).
Ini ang ginpahayag ni Lt. Col. Joel Benedict Batara, ang commanding officer sang 61st Infantry Battalion sang Philippine Army sang mainterview sang Bombo Radyo Roxas.
Apisar wala ginhingadlan, ginkompirma sang opisyal nga base sa ila nga impormasyon, may yara sang mga political aspirants sa rehiyon nga kumpirmado nga nagasuporta sa rebelde nga grupo.
Magluwas diri, ila man nga gina-imbestigahan ang ginapahayag pagpadala sang extortion letters sang mga rebelde sa mga nagapapili sa nagahilapit nga eleksiyon.
Ginapahayag nga ginapahanugutan lamang sang mga rebelde ang mga kandidato nga makakampanya sa mga lugar nga ginakabig nga ‘red areas’ kabaylo sang kwarta.
Ginpasiguro man sang opisyal nga mapasabat ang sinuman nga kandidato nga mapamatud-an nga nagasuporta sa rebelde nga NPA.
