Ginkumpiskar sang mga otoridad kahapon nga adlaw ang pila ka mga luxury vehicles nga ginapanag-iyahan ni Former Ako-Bicol Party list Representative Zaldy Co.
Suno sa report, nakita sa parking lot sang isa ka condominium unit sa Bonifacio Global City (BGC) ang ginaalegar luxury vehicles ni Co.
Dugang pa, 15 ka mga salakyan ang nakit-an sa nasambit nga parking area.
Apang wala pa madeterminar sang mga otoridad kun sin-o ang nagapanag-iya sang parking lot subong man sang condo unit sa nasambit nga building.
Sa subong, nagapabilin nga At large sa gihapon si Co kag ginapatihan nga yara sa guwa sang pungsod.
Sang damlag lang, ginpasakaan sang kaso si Co sang isa pa ka plunder case nga may kaangtanan sa maanomaliya nga mga flood control projects kag ginhatagan ini sang tubtub Enero 15 agud makasumiter sang iya counter-affidavit.
