Nagpataas na sang presyo sang utan ang pila ka mga manugbaligya sang utan sa Teodoro Arcenas Trade Center bangud sa nagapadayon nga pagtaas sang presyo sang gatong.
Sa interview sang Bombo Radyo kay Fred Dela Cruz, manugbaligya sang utan, iya ginpahayag nga nagpasaka ini sang tubtob P10.00 sa iya mga baligya bangud nagpasaka man sang presyo ang ila mga supplier.
Suno kay Dela Cruz, patas lang ang kantidad nga ginpasaka sini sa iya mga baligya agud makaginansya man kag madugangan ang iya pang-adlaw-adlaw nga kita.
Pahayag pa niya, gab-i na ini kun magpauli bangud ginapaubos niya ang iya mga baligya agud may inugbakal naman sa masunod nga adlaw.
Nagalaum man ang natungdan nga maghagan-hagan na ang presyo sang gatong agud indi man tuman nga maapektuhan ang kaangay niya nga manugbaligya.
