ROXAS CITY-Nagapabor ang pila ka mga tag-iya sang kalan-an sa Barangay Baybay, Roxas City sa ginpapasar nga resolusyon sang Sangguniang Panlungsod (SP) nga nagapatuhoy sa pagganyat sa publiko nga magdala sang kaugalingon nga utensils kun sila ang magkaon sa mga food and beverage establishments.
Ginpahayag ni Mr. Bernie Albason nga pabor sa ila ang nasambit nga resolusyon bangud mabuhinan ang trabaho sa ila mga kalan-an kag mahimo nga makatipid sa kagastuhanan ang management apang isa man ini ka dako nga hu-ol sa mga kustomer.
Suno kay Albason nga posible nga masal-an nga mga shoplifters ang mga kustomer sa tion nga magsulod kag magkaon ini sa mga kalan-an sa sulod sang nga malls.
Gindugang pa sini nga mahimo pa nga gamiton sang mga kustomer nga deadly weapons ang mga utensils nga ila ginadala.
Ginpanindugan man ni Albason nga sang problema sa ila pag-abot sa kantinlo sang mga utensils bangud ginahugasan man ini sang maayo antes ipagamit sa mga customers.
Samtang pabor man ini pananglitan igaduso sang siyudad ang pag-require sa mga kalan-an nga magamit sang mga disposable utensils.
Suno kay Albason nga mas makatipid sila bangud wala na sang trabahante nga magahugas sang pinggan.
Samtang nagapabor man ang isa ka tag-iya sang isa ka kalan-an angut sa ginpapasar nga resolusyon.
Suno sa kay Dr. Jomarie Villaruz nga mabuhinan ang trabahante sa ila nga kalan-an bangud indi na obligado ang paghugas sang mga utensils.
Apang aminado ini nga tuman ka komplikado sa mga kustomer ang pagdala sang mga utensils.
Ginpanindugan man ni Villaruz nga hugot ang pagpatuman sang mga health protocols sa mga nagakaon sa ginapanag-iyahan sini nga kala-an.
