Nagpabutyag sang ila opinyon ang pila ka mga pumuluyo may kaangtanan sa kaso nga ginapangatubang ni Sen. Ronald dela Rosa sa International Criminal Court may kaangtanan sa ginapahayag nga crimes against humanity bangud sa kampanya kontra iligal nga droga sang anay Presidente nga si Rodrigo Duterte.
Sa interview sang Bombo Radyo kay alyas Gregorio, iya ginpahayag nga kinahanglan nga atubangon ni Senador Bato ang kaso agud may kahigayunan siya nga madepensahan ang iya kaugalingon.
Suno Gregorio, ang boluntaryo nga pagsurender ukon pag-atubang sa kaso isa ka paagi agud mapakita nga handa siya magsabat sa mga akusasyon.
Dugang pa sini nga may pila ka ordinaryo nga Pilipino nga nagakabalaka kag nagakadulaan sang pagsalig bangud sa kigamo sa Senado.
