Nag amat-amat na kadtu sa mga evacuation center ang pila ka mga pumuluyo sang Barangay Baybay,Roxas City bangud sang posible pag-igo sang Bagyo Tino.
Sa interview sang Bombo Radyo kay Punong Barangay Erwin Oroceo, iya ginpahayag nga may yara na sang nagalab-ot sa 25 ka pamilya ang boluntaryo nga nagkadto sa designated evacuation area.
Suno kay Punong Barangay Oroceo, may yara na sang pila ka bahin sang Barangay Baybay rason nga nag-evacuate na ang mga pumuluyo bangud sang kahadluk nga magtaas ang tubig.
Pahayag pa niya, indi gid maghatag sang kumpyansa sa lakat sang panahon ilabi na ang yara sa lowland area kag malapit sa baybayon bangud sa posibilidad nga paglain pa gid sang tyempo.
Dugang pa sang natungdan, padayon sa gihapon ang ila nga pagmonitor kag pagpanghanda sa pagdamu pa gid sang mga indibidwal nga maga-evacuate.
Interviewed by: Bombo Jessa Mae Delos Santos
