Ginkondinar sang pila ka mga pungsod kag grupo ang ginhimo nga malawakan nga pag-atake sang Russia sa Ukriane.
Suno kay North Atlantic Treaty Organization (NATO) Secretary General of Nato Jens Stoltenberg nga indi makatarungan ang gindangatan sang mga biktima bangud sa pag-atake sang Russia.
Dugang pa sini, magapaguha sang disisyon ang mga military alliance sa meeting nga pagahiwaton sa US para ipakita ang suporta sang mga ini sa Ukraine.
Gintawag naman ni United Nation chief Antonio Guterres, nga makakilibot ang nasambit nga pag-atake nga kun sa diin madamo ka mga menor de edad ang ginbawian sang kabuhi.
Nagapanawagan naman ang Ministry of Foreign Affairs sang Italy sa iban nga mga pungsod nga maghiwat na sang mga tikang ang mga international community.
Una na nga ginpanginwala sang Russia nga gintarget sang mga ini ang mga ospital sa Ukraine nga kun sa diin gin-igo sang fragments nagikan sa air defense missiles sang Ukraine nga nagpatay sa 36 ka mga indibidwal.
Sa bahin naman sang Amerika, personal nga magapakig-angut si President Joe Biden kay Ukrainian President Volodymyr Zelenksy sa palaabuton nga adlaw sang Biyernes.
Ginpahayag ni US National Security Council spokesman John Kirby, nga magahiwat man sang meeting ang NATO-Ukraine Council.
