Pila ka mga seafood vendors sa TATC, napanghakroy sa mahina nga baklanay

Nagapanghakroy ang pila ka mga seafood vendors bangud sa matumal nga kita sa kada adlaw sa Teorodo Arcenas Trade Center sa Roxas City.

Sa interview sang Bombo Radyo kay Dang Cordovero, isa ka seafood vendor, iya ginpahayag nga mas maayo pa ang ila kita sang mga nagligad nga mga binulan kun ipaangid yandan nga tuman ka hina sang baligyaan.

Suno kay Cordovero, apisar pigado ang kita padayon sa gihapon sila sa pagbaligya para ila pang-adlaw-adlaw nga pagpangabuhi.

Samtang, yari nama ang presyo sang pila ka seafood sa merkado: talaba kag bagungon yara sa P50 kada kilo, samtang alimango naman yara sa P400 kada kilo.