Nadugangan pa ang numero sang mga dam sa Luzon nga nagbukas sang floodway gate bangud sa wala untat nga pag-ulan.
Apat naman ka dalagkuan nga dam na ang nagabuya sang tubig nga ginakalakipan sang Magat Dam, Ambuklao, Binga, kag Ipo Dam.
Sa Ipo Dam, isa ka gate sini ang nakabukas kag may opening nga 32.5 centimeters.
Sa Ambuklao kag Binga Dam, pareho nga may 1.5 meter nga opening kag tig-tatlo ka gate ang bukas.
Nakaligad nga adlaw tig-isa ka gate lamang ang bukas sa duah sa nasambit nga dam apang ginakinahanglan nga buksan na ang duha ka iban pa, bangud sa dalayon nga ulan kag pagdugang sang tubig nga halit sang pag-ulan sa watershed sini.
Sa Magat Dam, isa ka gate sini ang bukas kag may kabug-usan nga 2 meter na opening.
Magluwas sa apat ka dam, dalayon man ang pagtaas sang lebel sang tubig sa iban pa nga mga dalagkuan nga dam sa Luzon nga ginakalakipan sang Pantabangan, San Roque, kag Angat Dam.
Nagapabilin naman sa masubra 79 meters ang lebel sang tubig sa La Mesa Dam sa Quezon City, isa ka metro lamang nagikan sa spilling level nga 80.15 meters
