Gin-ako sang Department of Energy (DOE) nga magalawig pa sang 10 tubtub 15 ka tuig antes makasugod ang Pilipinas sa pagproduce sang langis kag gas halin sa reserba sang pungsod malapit sa Bangsamoro Autonomous Region sa Muslim Mindanao (BARMM).
Nahibaluan nga humalin sang 2024, ang DOE nagsugod na sa pagbaton sang mga bid para sa pagpangita sang petrolyo sa tatlo ka gindesignar nga mga lugar sa Cotabato kag Sulu Basins.
Suno kay DOE Director Rino Abad, magasugod na ang mga kontrata para sa sini nga mga proyekto kag sa Mindanao, partikular sa mga lugar nga naga-atubang sa Malaysia kag Indonesia.
Apang, siling ni Abad nga magakinahanglan pa sang 5 ka tuig para sa exploration phase kag dugang nga 5 ka tuig para sa development antes magsugod ang produksyon.
Samtang nagahulat sa sini nga mga proyekto, ginakonsiderar sang gobyerno ang temporaryo nga mga solusyon pareho sang subsidiya sa gatong agud masabat ang karon nga kinahanglanon sa enerhiya.
