Magapadala ang Pilipinas sang isa ka frigate sa Australia sa sulod sang pito ka tuig agud magpasakop sa pinakamadaku nga navy exercise sang Australia sa Southern Hemisphere.
Suno kay Bombo Denmark Suede, International correspondent sa Australia, importante gid ang pagpasakop sang Pilipinas sa sini nga defense military exercise bangud ini ang magahatag sang daku nga pag-upgrade sa depensa sang pungsod.
Dugang pa ni Suede, ang Government kag Philippine Navy isa ka bahin sang alliance nga handa makipagbato para sa soberanya sang Pilipinas nga may yara sang capability nga magahatag sang warning sa China in case of invasion.
Pahayag pa niya, ang pag cooperate sang Pilipinas isa ka daku nga tikang para sa pagpreparar sang Pilipinas sa nagalala nga tensyon sa West Philippine Sea kag maamligan ang soberanya.
Sa pihak nga bahin, gin-athag man sini nga kinahanglan mangin strategic ang Pilipinas bangud bisan pa man indi maperdi ang China sa kadakuon sang ila navy, ang pagpalig-on sang mga alyansa makahatag sang mas daku nga maga depensa sa rehiyon.
