Naka-request na ang Pilipinas sa International Criminal Police Organization (Interpol) nga mag-issue sang red notice batok kay former presidential spokesperson Harry Roque.
Ini ang ginkumpirmar ni Presidential Anti-Organized Crime Commission (PAOCC) Spokesperson Winston Casio.
Suno sa iya, mangin mabudlay ang proseso bangud sa ginapakita kag ginapalapta sini nga biktima siya sang ginaalegar political prosecution.
Sa pihak sini, ginpanindugan ni Casio nga wala sang basehan ang mga pahayag ni Roque kag ang tanan nga proceedings ang base sa physical evidence batuk sa iya.
Madumduman nga sang bulan sang Mayo, nagpagwa sang arrest warrant ang mga otoridad batuk kay Roque, Lucky South 99 representative Cassandra Li Ong kag 48 ka iban pa bangud sa qualified trafficking kag illegal operation sang Philippine Offshore Gaming Operations (POGO).
Samtang una na nga ginpanginwala ni Roque ang mga alegasyon kag ginpanindugan nga wala ini sang kahilabtanan sa operasyon sang Lucky South 99.
