MANILA, Philippines – Ginselebrar sang Department of Information and Communications Technology (DICT), ang ika-32 nga anibersaryo sang una nga internet connection sa Pilipinas, samtang ginpanindugan sini nga palapdon pa ang libre nga internet access sa bug-os nga pungsod.
Ginpahayag sang DICT, nga padayon ang ila mga inisyatibo agud mahatagan sang koneksyon ang mas madamo nga Pilipino, halin sa mga syudad tubtob sa mga malayo nga isla kag kabukiran.
Suno sa una nga internet connection sa pungsod natabo sang Marso 29, 1994, pinaagi sa inisyatibo ni Benjie Tan sa pasilidad sang PLDT sa Makati.
Dugang pa sa nahibaluan nga sa tuig sang 2024, nagaabot sa 89.34 porsyento ang internet penetration rate sa Pilipinas, samtang ang mga Pilipino naga-average sang halos siyam ka oras kada adlaw sa paggamit sang internet.
Apang sa padayon nga pagpalapad sang internet access ang DICT magahatag sang mas madamo nga oportunidad sa edukasyon, pangabuhi kag mas mabilis nga serbisyo publiko para sa tanan nga Pilipino.
