Nakahibalo ka bala nga ang color ang maka apekto sang imo nga mood?
Kun nagakabatyag ang isa ka indibidwal sang anxiety, kasubo ukon wala sang gana, ini na ang tion nga i-repaint ukon pintahan liwat ang imo nga kwarto.
Sandig sa pagtuon sang American Home Shield, may yara sang correlation ang color kag mood.
Suno sa mga psychologists, ang nagkalain-lain nga color combinations ang nagapaguwa sang nagkalain-lain man nga personalidad sang isa ka indibidwal.
Ginapanugyan sa pagtuon nga mas makapasangkad sa mood sang tawo ang mga bright colors, ipaanggid sa mga dark colors kaangay sang pula nga nagapataas sang blood pressure kag heart rate.
Apang, mas maayo ang pula kun yara ini sa kusina bangud mas nagapagana ini sa pag kaon.
Ang shades naman sang blue kag green ang gina-abiso sang mga psychologists nga nagakadapat nga yara sa sulod sang imo kwarto, bangud ini ang nagapakalma sa paminsaron sang indibidwal.
Gani, kun ikaw ang magpatindog sang balay ukon luyag mo na nga islan ang color sang pinta sa imo nga kwarto, mahimo nga pilion ang kaangay sang bright colors agud mangin maayo pirme ang imo nga aga.
