Magapatigayon sang transport strike ukon untat biyahe ang Pinagkaisang Samahan ng mga Tsuper at Operator Nationwide (PISTON-Capiz) sa Marso 26 kag 27.
Ini kasunod man sa padayon nga pagsaka sang presyo sang gatong nga nagapabudlay sa mga tsuper kag operator.
Sa interview sang Bombo Radyo kay Joebert Carandang, Chairman sang amo nga grupo, iya ginpahayag nga indi gid 100 percent sang ila miyembro ang maga-upod, apang padayon sa gihapon ang ila transport strike.
Suno kay Carandang, nga ila ginapanagawan sa gobyerno nga ibasura ang Oil Deregulation Law agud may kontrol ang sa presyo sang gatong.
Dugang pa sini nga nagakadapat nga pagasuspendehon ang excise tax kag ibalik ang presyo sang gatong sa ₱55 kada litro agud mahagan-hagan ang kabudlayan sang mga driver kag pasahero.
