DUMARAO, CAPIZ – Patay ang isa ka bata nga lalaki matapos nalumos sa suba sa Barangay Dangula, Dumarao, Capiz.
Ang biktima amo si alyas Boy, 7-anyos nga residente sang nasambit nga lugar.
Sa interview sang Bombo Radyo kay PLT Russel Husmalaga, Deputy Chief of Police sang Dumarao Municipal Police Station, iya ginpahayag nga naglisensya ang biktima kaupod ang iya utod kag isa pa nila ka upod nga magpadulong sa simbahan para sa Flores de Mayo apang sa baylo wala ang mga ini nagkadto sa simbahan kundi nagpadulong sila sa Badbaran River.
Ginpahayag nga samtang nagapaligo ang mga ini sa Badbaran River, nagpadulong ang biktima sa madalom nga porsyon sang suba nga wala matalupangdan sang iya utod kag isa pa nila ka upod.
Gintinguhaan pa nga salbaron kag gindala sa pinakamalapit nga ospital ang biktima apang gindeklarar nga dead on arrival sang doctor.
Sa karon, yara na sa isa ka punerarya sa nasambit nga banwa ang biktima.
– With a report from Bombo Jessa Mae De Los Santos
