ROXAS CITY -Ginaganyat sang Department of Trade and Industry-Capiz (DTI) ang mga online sellers nga magpost sang presyo sang mga produkto nga ginabaligya online.
Ini ang ginpabutyag ni Ms. Ken Queenie Cuñada, Provincial Director sang DTI-Capiz sang mainterview sang Bombo Radyo.
Suno kay Cuñada nga nakadapat nga ibutang sang mag online sellers sa facebook ang actual nga presyo sang produkto ilabi na kun ini ang mga basic prime comodities agud mahibaluan kung nagasunod ini sa mga suggested retail price sang ahensya.
Kasunod sini nagpaandam si Cuñada sa mga online sellers nga I-call ang ila nga atensyon sa tion nga mamutikan nga wala nagapost sang presyo sang ila mga produkto nga ginabaligya online.
Magluwas diri, ginpahanumdum man ni Cuñada nga ginadumilian sang DTI ang “pm is the key” kag ginpakamaayo nga i-post ang presyo sang prpdukto agud mahatagan sang nakaigo nga giya ang mga online consumers.
