ROXAS CITY, CAPIZ – Masulhay ang pagsugod sa una nga adlaw sang pagbukas sang klase sa President Manuel Roxas Memorial School – North sa Barangay Tanque, Roxas City.
Sa interview sang Bombo Radyo kay Mrs. Ruth Barrios, Principal III sang PMRMS-North, iya ginpahayag nga padayon ang pag-abot sang mga enrollees sa ila buluthuan.
Suno kay Mrs. Barrios, as of Friday, June 13 nga datos, may 868 ka mga enrollees nga nalista kag ginalauman nga madugangan pa ini sa mga masunod nga adlaw.
Dugang pa sang natungdan, padayon ang ila pag-akomodar kun may mga late enrollees ukon transferees tubtob sa katapusan sang Hunyo.
Ginpasiguro man ni Barrios nga mangin maayo ang sitwasyon sang mga estudyante bangud magluwas sa bastante nga classrooms nga well-ventilated, bastante man ang mga manunudlo.
– With a reports from Bombo Jessa Mae De Los Santos
