Ginaimbestigahan na sang Philippine National Police (PNP) ang 24 nga mga nagserbi bilang PNP chief kung may yara sa ila ang ginapahayag nga nagabaton sang monthly payroll nagikan sa operasyon sang Philippine Offshore Gaming Operators (POGO).
Ini ang ginkumpirmar ni PNP chief, Gen. Rommel Marbil samtang ginabusisi sang Senado ang hagna nga pondo sang ila ahensya.
Suno kay Marbil, wala nila ginpasalamat ang ginbuyagyag ni PAGCOR Senior Vice President for Security Retired General Raul Villanueva ilabi na nga under oath ukon nagpanumpa ini sa pagsinapol sang Senate Committee on Women and Children.
Kinahanglan uno diri nga klaruhon ni Villanueva bangud nakaapekto ini indi lamang sa bilog nga hanay sang PNP kundi mangin sa peace and order sang organisasyon.
Sa karun suno diri, wala pa sila sang nabaton nga pahayag nagikan kay Villanueva apang magapadala sila sang sulat sa opisyal agud hinyuon nga pangalanan ang ginapahayag PNP chief nga nagabaton sang payola nagikan sa operasyon sang POGO ukon klaruhon mismo sa Senado kung may yara sang indibiwal sa sini.
Samtang, sa ambush interview, ginsiling naman ni Local Government Secretary Benhur Abalos nga wala siya sang nahibaluan may kaangtanan sa ginbuyagyag ni Villanueva.
Wala pa siya suno diri nakighinala kay Pangulong Ferdinand Marcos Jr. angut sa nasambit nga isyu.
