Nakaplastar na ang mga security protocol nga ipatuman sang Philippine National Police sa walo ka adlaw nga filing sang kandidatura sumugod buwas Oktobre-1 tubtob Oktobre-8.
Pila sa mga ini ang pagdeploy sang kapulisan sa mga local Comelec office agud maghatag sang seguridad sa mga kandidato subong man sa mga Comelec personnel.
Suno kay PNP Chief, Police General Rommel Francisco Marbil, mangin hugot man sila sa patrol operations indi lamang sa mga dalanon kundi sa mga matawo nga lugar.
Kadungan sini, ginpahanumdum sang heneral ang mga kapulisan nga mangin ‘neutral’ lamang.
Dugang pa ni Marbil nga ang deployment sang mga ini sa Comelec Office agud maghatag sang seguridad kag indi agud maghatag sang suporta sa mga kandidato nga maga-file sang ila tagsa ka mga kandidatura.
