Gin-anunsyo sang Philippine National Police (PNP) kag sang Metropolitan Manila Development Authority (MMDA) subong nga Dominggo nga tapos na ang ila nga mga preparasyon para sa ika-apat nga State of the Nation Address (SONA) ni Presidente Ferdinand Marcos Jr., nga patigayunon sa Batasang Pambansa sa Quezon City sa Lunes, Hulyo 28.
Ginpahayag ni Police Major Hazel Asilo, tigpamaba sang National Capital Region Police Office, nga hugot nila nga ginabuligan ang komunidad sang intelihensiya.
Hanungod sa ginalauman nga mga pagprotesta, ginsiling ni Asilo nga may pila ka mga grupo ang nagaplano sang hublag-protesta nga gin-aprubahan sang lokal nga gobyerno sang Quezon City. Apang, ang ila nga mga permit may mga kondisyon agud masiguro nga mangin maayos kag legal ang ila nga mga aktibidad.
Gintugutan lamang ang mga pro- kag anti-government nga grupo nga magtipon tubtob sa simbahan sang St. Peter’s Parish, isa ka lugar nga ginpili agud masiguro ang paging patas kag wala sang may ginpaboran.
Gin-anunsyo sang NCRPO nga naglab-ot sa 22,987 ka mga pulis ang magalibot agud maghatag sang seguridad sa tuigan nga hitabo. Kalakip na diri ang 16,060 nga pulis nagikan sa NCRPO, kag may dugang nga 3,707 nga pulis nagikan sa Police Regional Office 3 kag Region 4A, pati man ang 3,220 nga mga tawohan nagikan sa nagkalain-lain nga ahensya.
Samtang, ginsiguro ni Metropolitan Manila Development Authority (MMDA) Chairman Romando Artes nga handa ang ahensya agud masigurado nga ang trapiko kag pagbaha indi makasagabal sa SONA.
Agud malikawan ang pagbaha, ginsiling ni Artes nga nagdeploy ang MMDA sang mga temporaryo nga bomba agud madasig nga mahalin ang tubig gikan sa karsada padulong sa mga creek. Ginpalapad man ang mga drainage inlet agud mapadasig ang pag-ilig sang tubig.
Dugang pa niya, nakipag-koordinar ang MMDA sa contractor sang MRT-7, nga nagsiling na sila ang pang-duha nga contractor kag wala sila kabalo kun ngaman nagkaladula ang pila ka drainage inlet.
Ginsambit man ni Artes nga may isa ka poste nga nangin sagabal sa pag-ilig sang tubig ulan, rason nga nagdeploy ang MMDA sang mga bomba agud maliso ang tubig padulong sa creek sa pihak nga bahin sang karsada.
Ginkumpirma sang MMDA nga ginpatuman man ang No Contract Apprehension Policy (NCAP) sa Commonwealth Avenue sa adlaw sang SONA.
