Madinalg-on nga nakabalik na sa kalibutan ang SpaceX Polaris Dawn mission.
Ang nasambit nga mission ang nakahimu sang kasaysayan bilang una nga spacewalk nga ginhiwat nga mga pribado nga astronauts.
Nagtupa sa kadagatan sang Dry Tortugas, Florida ang Dragon spacecraft.
Ang capsule ang gilayon nga ginsakay sa recovery vessel matapos ang masubra nga isa ka oras sadtong ini ang naglanding sa kalibutan.
Ginpaidalum naman sa medical checkups ang mga crew sini nga sanday SpaceX engineer Anna Menon, engineer Sarah Gillis, pilot Scott Poteet kag commander Jared Isaacman.
Naglupad ang nasambit nga SpaceX sining nakaligad nga Martes nagikan sa Kennedy Space Center kun sa diin naglab-ot sa 1,400 kilometers ang naabot nila nga kataason sang tatlo ka beses nga mas mataas pa sa International Space Station kag pinakamalayo nga nabiyahe sang isa ka tawo sumugod sang matabu ang Apollo mission sa bulan.
Ginpahayag nga nagbayad ang 41-anyos nga si Isaacman sang $200 milyon para hiwaton ang 2021 all-civilian SpaceX Inspiration4 orbital mission.
Ang Polaris Dawn ang una sa tatlo ka missions sa idalum sang Polaris program kaupod sanday Isaacman kag SpaceX.
