Naka-full alert na ang Police Regional Office 6 sa palaabuton nga Semana Santa 2026.
Sa interview sang Bombo Radyo kay Police Major Lailyn Sencil, Spokesperson sang Police Regional Office 6, iya ginpahayag nga magadeploy sila sang mga kapulisan partikular sa ginadugukan sang mga tawo kaangay sang simbahan, transport terminals, pantalan, airports kag sa mga mayor nga dalanon.
Suno sa iya, may yara sila sang igapahamtang nga Police assistance desk agud maka-provide sang madasig nga pagresponde sa tion nga may magluntad nga mga insidente.
Dugang pa niya, maga-deploy man ang Regional Highway Patrol Unit 6 sang road safety marshall agud masigurado ang seguridad sang mga biyahero.
Nagapanawagan man ang natungdan sang kooperasyon agud mangin matalunsay ang pag-obserbar sang Semana Santa subong nga tuig.
