Nagtipon ang masobra 50,000 ka tawo sa Plaza de San Pedro agud magtambong sa selebrasyon sang Jubilee sang mga Pamilya nga ginpatigayon ni Pope Leo XIV.
Sa iya homiliya, gintalakay sang Santo Papa ang importante nga papel sang pamilya sa pagpasa sang pagtuo, gugma, kag kabuhi sa isa ka henerasyon pakadto sa isa.
Ginpahayag sang Santo Papa nga ang “balaan nga mga pag-asawahay” isa lamang ka halimbawa sang paghiusa kag pagpatawad, nga nagasambit man nga ang mga pamilya pareho nanday Luigi kag Celia Martin, mga ginikanan ni Santa Teresa sang Lisieux, kag ang Polish nga pamilya Ulma nga nagdedikar sang ila kabuhi sa pagtuo.
Suno kay Pope Leo XIV, sa pamilya, ang pagtuo ginapasa kag ginapaambit kaangay sang tinapay kag pagpalangga sa isa kag isa. Siling niya nga ang pamilya amo ang pinakamaayo nga lugar agud makita si Jesus, nga pirme nagahigugma kag nagahandum sang kaayuhan sang tagsa ka tawo.
Gintalakay man sang Santo Papa ang pahayag ni Pope Francis nga ang kabuhi ginahatag sa aton antes pa man naton ini handumon, kag ginpahanumdom ang mga pamilya nga ang palaabuton sang mga tawo nagasugod sa sulod sang isa ka pamilya.
Bilang kabahin sang selebrasyon, ginhiwat sang Santo Papa ang Regina Caeli, isa ka Marian prayer, kag naghatag sang mensahe sang paglaum sa mga kabataan kag pagpasalamat sa tagsa ka pamilya, ilabi na sa mga lolo kag lola, bilang modelo sang pagtuo.
