Ginpangunahan ni Pope Leo XIV ang isa ka makasaysayan nga katapusan nga misa sang Domingo para sa masobra isa ka milyon ka mga pamatan-on nga Katoliko gikan sa bug-os nga kalibutan.
Nahibaluan nga ini ang katapusan nga misa sang Santo Papa nga kabahin sang isa ka dako nga pilgrimage sang mga pamatan-on nga nagtipon sang mga pamatan-on gikan sa nagkalain-lain nga pungsod sa pagsaulog sang Jubilee holy year nga may tema nga pagtuo, paghiliusa, kag paglaum.
Sa bug-os nga semana, tubtob sa 500,000 ka pamatan-on ang nagkadto sa Roma, kag sang Sabado sang gab-i, ginreport sang mga organisador nga 800,000 ang nagtambong sa pagbantay.
Madamo sa mga nagtambong ang nag-camp sa guwa, nagtulog sa mga tent, sleeping bag, ukon banig samtang nagahulat sang misa.
Ginhiwat ang misa sang udto, kag ginpangunahan sang Santo Papa nga nag-abot sakay sa helicopter.
Ang misa gin-updan man sang mga ambahanon gikan sa isa ka koro sa isa ka daku nga entablado nga ginpunihan sang bulawan nga arko kag isa ka daku nga krus.
