Posisyon ni PBBM sa isyu sang impeachment batuk kay VP Sara Duterte, wala nagbag-o – Bersamin

Wala sang pagbag-o sa posisyon ni Pangulong Ferdinand Marcos Jr. nahanungod sa impeachment kay Vice President Sara Duterte.

Ini ang sabat sang Malakanyang sa pamangkot kun may epekto ang peace rally sang Iglesia ni Cristo sa pagpati sang Pangulo nga indi dapat pag-impeach si VP Sara.

Suno kay Executive Sec. Lucas Bersamin nga wala man nagbag-o ang posisyon ni PBBM.

Matandaan nga ginbalabagan ni Pangulong Marcos ang ginaduso nga impeachment batuk sa bise presidente. 

Suno sa Pangulo, nagauyang lamang sang panahon ang pag-impeach kay Duterte.

Pahayag sini nga indi man mabag-o ang kabuhi sang mga Pilipino kun mai-impeach ang bise presidente kag madamo sang mas bilidhon nga kinahanglan himuon para sa pungsod.