Gamay lang nga masunog ang isa ka balay sa North Carolina, USA, matapos nga ginhampangan sang ido ang isa ka power bank nga nagtuga sang pag-aso, kalayo kag naglupok pa.
Sa isa ka video nga ginpakigbahin sang Chapel Hill Fire Department, makita nga nasunog ang carpet sa sala apang gilayon naman nga napalong ang kalayo.
Suno sa tag-iya sang balay, naabtan nila ang sulod sang puluy-an nga madamo sang aso, kag may nasunog nga bahin sang carpet. Sa Closed Circuit Television (CCTV) footage, naguwa nga ang ila ido nga si Colton ang may kahimuan sang insidente matapos sini nga ginkagat kag ginhampangan ang power bank.
Makit-an sa video nga nagsala-sala pa ang ido kag nagdalagan palayo sang nag-aso kag naglupok ang power bank.
Paathag sang Chapel Hill Fire Department, ang battery ang naka-fully charged kag wala naka-plug sang matabo ang insidente. Wala man ini sang recall, apang ini mahimos sang maayo.
Bangud sa pagkagat ni Colton, ginapahayag nagguba ang protective features sang power bank nga nangin rason sang pagsigabong. Samtang, maswerte naman nga wala sang may napilasan sa amo nga insidente.
