ROXAS CITY – Kadungan sa pagkomomerar sang World Red Cross and Red Crescent Day! subong nga adlaw Mayo 8, nga may tema “Keeping Humanity Alive”, nagpatigayon sang pila ka mga aktibidad ang Philippine Red Cross Capiz Chapter.
Sa interview sang Bombo Radyo kay Raymundo P. Martinez Administrator PRC Capiz Chapter, ginpahayag sini nga tinutuyo sang aktibidad nga mabuligan ang mga nagakinahanglan kag matudluan sang ihibalo ang pumuluyo.
Suno kay Martinez, nagatigayon sila sang health caravan sa Malocloc Sur, Ivisan Capiz.
Kaungdan sini nga aktibidad ang health education ilabi na ang dissemination angut sa bakuna kaupod ang pamunuan sang Department of Health.
Nagatan-ay man sila sang hot meals sa tanan nga nagapsakop sa nasambit nga aktibidad.
Dugang pa sini, magapatigayon man sila sang orientation sa Capuyhan sa banwa sang Sigma kaupod ang Red Cross 143 volunteers kung sa diin magabulig kag magatudlo sang ihibalo sa mga pumuluyo sa tion nga may yara sang emerhensya.
Mensahe ni Martinez, padayon lamang nga mag-upod sa ila mga aktibidad kag magdonar sa dugo bangud dako ini nga bulig sa mga tawo nga labing nagakinahanglan.
