Nagpatuman na sang restrictions ang Vatican pila ka oras antes ang lubong ni Pope Francis.
Takna alas siyete sang gab-i sa Vatican sang ginpa-untat nila ang public viewing.
Bisan pa nga madamo pa ang nagalinya, nagpangayo lang sila sang pasaylo kay kinahanglan nila nga paguwaon ang mga tawo bilang preparasyon.
Pasado alas-7 sang gab-i sa Vatican, gin-untat ang public viewing samtang pasado alas-8 sang gab-i ginpangunahan ni Cardinal Camerlengo Kevin Farrell ang Sealing of the Coffin ceremony.
Wala naman ginsambit sang Vatican kun pila ka mataas nga opisyal halin sa nagkalain-lain nga pungsod ang magatambong.
Nagpanguna sa listahan si US President Donald Trump samtang nag-abot man sa Vatican sanday Presidente Ferdinand Marcos kag First Lady Liza Marcos agud magtambong sa lubong sang nagtaliwan nga 88 anyos nga Santo Papa.
Nag-anunsyo man sang ila pagtambong ang mga anay lideres sang pungsod kaangay ni anay US President Joe Biden
Base sa seating arrangements sa funeral mass sa alas 10 sang aga sa Vatican, ang presidente sang Argentina ang magapungko sa atubang sang pungsod sa diin natawo ang Santo Papa, kag pagasundan sang Italy kag mga katapo sang royal households kag mga presidente nga ginplastar suno sa French alphabetical order.
Pila ka oras antes ang misa, natalana nga ipaguwa sang Vatican ang kabug-usan nga listahan sang mga world leaders nga magatambong.
