PRESIDENT ROXAS – Ginkumpirmar ni President Roxas Mayor Receliste “Tanoy” Escolin nga magapadalagan ang iya asawa sa pagka-Mayor.
Sa interview sang Bombo Radyo kay Escolin, naghinyo ang iya mga tagasuporta nga pumuluyo nga indi sila pagbayaan gani ang iya tiayon nga si Felicia Dullano Escolin ang padalaganon bilang standard bearer sang Pres. Roxas nga magapadayon sang pag-umwad sa nasambit nga banwa.
Mahibaluan nga si Mrs. Felicia Escolin ang Punong Barangay sang Brgy. Badiangon sa amo man nga banwa.
Dugang pa sang alkalde nga ang iya pagpalangga sa banwa indi madula rason nga ginabakasan sini nga iya pamilya ang mapadalagan kag ara lang ini sa likod nga nagasuporta kag luyag sini nga mangin administrador kun magpungko na ang iya asawa.
Sa pihak nga bahin, ginahatag sini ang iya suporta kay Cong. Howard Guintu bangud nakita niya ang maayo nga pagserbisyo sa Capiz.
Samtang magapabilin man ang iya suporta kay Governor Fredenil Castro.
