Gin-manduan ni President Ferdinand Marcos Jr. ang Kongreso nga unahon ang pagtalakay kag pag-apruba sang apat ka importante nga House Bill: ang Anti-Dynasty Bill, Independent People’s Commission Act, Party-list System Reform Act, kag CADENA Act nga nagatuyo sa pagpabakod sang transparency kag accountability sa paggamit sang pondo sang pungsod.
Sa Legislative-Executive Development Advisory Council (LEDAC) meeting subong nga adlaw, ginpahanumdum sang Presidente sa Senado kag Kamara nga usisaon sang maayo kag aksyunan sa gilayon ang nasambit nga mga House Bill.
Nagtambong sa paghinun-anon sanday Senate President Vicente Sotto III, House Speaker Faustino Dy III, Majority Leader Sandro Marcos, kag iban pa nga lider sang Kongreso.
Nakasugtanan man sa Legislative-Executive Development Advisory Council ang timeline para sa pagpasar sang General Appropriations Bill (GAB) kag ang dasig nga pag-submit sang enrolled bill para sa pirma sang Presidente.
