Ginatugyan na sang Malakanyang sa Senado ang impeachment trial batuk kay Vice President Sara Duterte.
Nanindugan si Palace Press Officer Undersecretary Atty. Claire Castro nga indi maghilabot si President Ferdinand Marcos Jr. kun ano ang matabo sa impeachment ni Vice President Sara Duterte.
“Iyan usapin na iyan ay nasa Senado na at hindi makikialam ang Pangulo kung ano ang magaganap diyan,” pahayag ni Castro.
Suno kay Castro nga ang pangabay lang nila nga ubrahon sang mga senador ang ila nga obligasyon, indi lang para sa isa ka tawo kundi para sa tanan nga pumuluyo.
Pahayag pa niya nga wala sang nagbag-o sa posisyon sang Pangulo bisan antes pa magsugod ang midterm elections nga indi siya maghilabot sa impeachment bisan sin-o pa ang mga kongresista kag mga senador nga mapungko sa 20th Congress.
