Nakabaton sang minilyon ka pesos nga campaign contributions sanday President Ferdinand Marcos Jr. kag Vice President Sara Duterte gikan sa public works contractors apisar nga nasaad sa provision sang Omnibus Election Code nga gina-ban ang mga kandidato sa pagbaton sang kontribusyon halin sa mga entities nga may yara sang negosyo sa gobyerno.
Ini ang base sa Philippine Center for Investigative Journalism (PCIJ).
Sa sulod sang tatlo ka tuig, nakitaan sang Philippine Center for Investigative Journalism ang ini nga mga contractor-contributors sang pagtaas sa value sang public-works contracts nga gin-award sa ila ipaanggid sang mga nagliligad pa nga mga tuig sandig sa government records nga available sa publiko.
Sa data halin sa ‘statement of campaign contributions’ nga ginpasa sang mga kandidato sa Commission on Elections, nagapakita nga ang tycoon nga si Rodulfo Hilot Jr., tag-iya sang Zamboanga del Sur-based Rudhil Construction & Enterprises Inc., ang isa sa mga largest contributors sang Presidente sang 2022 election.
Naghatag ini sang P20 million bilang campaign contribution para kay Marcos.
May isa pa ka contractor nga si Jonathan M. Quirante, tag-iya sang Cebu-based Quirante Construction Corporation, ang nag-donate sang P1 million.
Pagkatapos sang eleksyon, ang duha ka mga contractor ang ginapahayag nga nakabenepisyo halin sa pagtaas sang value sang mga government contracts nga gin-award sa ila mga kompaniya.
Nakitaan man sang PCIJ sang pagtimbuok ang Quirante Construction sa diin ang total solo kag joint contracts sini ang nagsaka sa P3 billion sang 2023 — isa ka bilyon ka pesos ang pagtaas sa sulod lamang sang isa ka tuig pagkatapos sang eleksyon.
Samtang, si Vice President Duterte ang benepisyaryo naman sang mga campaign contributions halin sa real-estate firm nga ginapanag-iyahan sang construction magnate nga si Glenn Escandor, sa diin ang isa niya ka kompaniya nga Genesis88 Construction Inc., ang nakakuha sang kontrata sa Department of Public Works and Highways ilabi na sang termino ni Former President Rodrigo Duterte.
Sang 2022, ang Esdevco Realty Corporation ni Escandor ang nalista bilang sole corporate donor ni Vice President Sara sa iya 2022 vice presidential campaign.
Ang nasambit nga kompaniya ang nagbayad sang advertisements nga nagabalor P19.9 million sang 2022 election.
