Nagasunod lamang si President Ferdinand Marcos Jr sa kasuguan kag nagakaigo nga proseso sa pagpahanugot sa Bureau of Internal Revenue (BIR) nga isumite ang bangko, tax records sa Impeachment Court.
Ini ang ginsabat ni Palace Press Officer USec. Claire Castro sa pagpangusisa kay Atty. Manases Carpio, asawa ni VP Sara para sa authorization ni President Marcos sang ila financial documents.
Suno kay Castro, may kinamatarong si Atty. Mananes Carpio nga magpasaka sang anuman nga legal action kon may yara ini sang pagpamalabag sa tikang sang Presidente.
Pahayag ni Castro, tinutuyo lang sang administrasyon nga mapagwa ang kamatuoran kag wala sang dapat kabalak-an ang sin-o man nga wala nagatago sang mga maanomaliya sa ila records.
Ginhatagan pagtamod ni Castro nga wala sila sang dapat kahadlukan kon wala sila sang nahimo nga malain.
