Nagsabat si President Roxas, Capiz Mayor Receliste Escolin matapos ginapahayag nga nasumbagan sang bodyguard sini si Former Punong Barangay Richard Baltar sang Barangay Aranguel sang amo nga banwa.
Sa interview sang Bombo Radyo kay Escolin, iya ginpahayag nga nagapangape ini sa merkado sang nag-abot si Baltar.
Suno sa alkade, nagtindog sa iya tupad si Baltar nga daw kaangay nga daw nagapangarit-garit.
Ginpahayag sang alkalde nga si Baltar ang isa sa mga nagpasaka sang disqualification case batok sa iya rason nga may yara na sila sang indi pag-intindihanay.
Sa ulihi, na-ulaan sang kape ni Escolin si Baltar nga nagresulta sa pagbuyayaw kag gintuyo nga sumbagon sang anay Punong Barangay ang Alkalde.
Diri na kag nag-angkon sang komusyon sa tunga sang bodyguard sang alkade kag ginpahayag ginsumbag ang anay Punong Barangay.
Lunsay naman nagpa-blotter ang duha ka kampo.
Samtang, bukas naman ang talatapan sang Bombo Radyo para sa pahayag sang kampo ni Baltar.
