ROXAS CITY – Ginbweltahan ni Mayor Receliste “Tanoy” Escolin ang pag sabat ni Vice Mayor Edvil John Alfaro angut sa isyu sang re-alignment of funds sang Salintubig Program para sa President Roxas Public Market.
Suno diri nga sala ang paghangop ni Alfaro sa Salintubig Program Budget, rason nga ginapangitaan niya ini sang “attachment” ukon dokyumento nga kun diin magahalin ang kwarta sa amo nga programa.
Dugang pa ni Escolin nga indi dapat pag kwestiyunon sang Sangguniang Bayan ang pagrequest sang resolusyon sang alkalde bangud 20% sang development fund ang P2-M pesos, rason nga wala sang kinahanglan nga dokyumento.
Matandaan nga naglupok ang indi pag intindihanay sang alkalde kag bise alkalde matapos nga ginaalegar ginapunggan ni Alfaro ang pagpapasar sang resolusyon sa request sang alkalde nga i-re-align ang budget sang Salintubig Program sa Public Market sang amo nga banwa.
Suno diri nga indi man pwede nga pabay-an ang merkado nga naga-income sang P8-M pesos kada bulan rason nga dako ang maibulig sini sa ekonomiya sang banwa.
Bukas naman ang magtimbang nga kampo agud mahinalaan pa gid sang maayo ang ila sini tinutuyo nga maayo para sa banwa sang President Roxas, Capiz.
Sa pihak sini, desidido ang alkalde nga dayunon ang amo nga re-alignment of funds apisar nga indi magpahanugot ang Sangguniang Bayan Council.
