ROXAS CITY – Handa nga magresign sa pwesto bilang Presidente sang Liga ng mga Barangay-Roxas City chapter si Punong barangay Virgilio ‘’Yoyo’’ Santos sang Barangay Talon, kun luyag sang mga kaupdanan nga mga kapitan nga magresign ini, apang kun suportado ini sa gihapon magapabilin siya sa pwesto.
Ginhimo ni Kapitan Santos ang pahayag kasunod sang naglapta nga balita nga si Kapitan Reynaldo Magallanes sang Barangay Bayaby ang ginaduso ni Mayor elect Ronnie Dadivas nga mangin liga president.
Suno sa opisyal nga wala sang mangin problema sa ila grupo ang magapungko nga bag-o nga alkalde sang syudad, bangud suportado nila ini basta sa kaayuhan lamang sang tanan.
Ginpanindugan pa ni Santos nga luyag lamang nila nga mapadayon ang proyekto nga ginhatag sa ila kasubong sang ginhimo ni outgoing mayor Alan Celino nga wala sila ginpabayaan pag-abot sa proyekto sa ila barangay.
Ginpanindugan man sini nga wala sila sang away nga mga barangay kapitan pag-abot sa pulitika, bangud naga-hangpanay sila.
Samtang ginpahayag ni Santos nga wala na sini ginapanumdum pa ang nagligad bangud para sa iya nga tapos na ang amo nga panahon.
