-- ADVERTISEMENT --
ROXAS CITY – Amat-amat na nga nagataas ang presyo sang asukar sa Teodoro Arcenas Trade Center (TATC) subong nga adlaw.
Ang brown washed sugar nga may presyo sang P50/kilo sadto, subong P70 na samtang ang Muscovado naman nga gikan sa P65/kilo nagtaas sa P70 tubtob P80 kag ang refined washed sugar nga anay P80/kilo, mabakal na sa P90.
Suno naman sa mga vendor nga nagabaligya sang asukar, sa syudad sang Bacolod kag probinsya sang Antique sila nagakuha sang asukar kag bastante pa ang suplay apisar nagtaas na ang presyo.
Ginkadismaya naman sang pila ka mga manugbakal ilabi na ang mga nagabaligya sang kakanin bangud sa gamay lang ang ila ginansya sa baligya, nagtaas pa ang presyo sang asukar nga isa sa ila ginagamit nga ingrendiente sa pagluto.
