Naglunsyar ang gobyerno sang nationwide price monitoring program agud makit-an ang mga epekto sang pagbuhin sa taripa sa bugas.
Ginpangunahan sang Department of Trade and Industry (DTI) kag sang Department of Agriculture (DA) ang amu nga programa.
Sakop sang price watch ang retail markets, grocery stores, kag wet markets.
Ginsiguro sang DTI nga ila hugot nga ginabantayan ang mga presyo sang bugas. Suno pa diri nga tanan nga impormasyon nga ila nga makuha nagikan sa programa ang pagagamiton sang policymakers agud masiguro ang bastante nga suplay sang bugas. Ginpaguwa ni Presidente Ferdinand Marcos Jr. ang Executive Order No. 62 sadtong nakaligad nga Hunyo nga nagbag-o sa import duty rates sang nagkalain-lain nga produkto agud mapahagan-hagan ang inflationary pressure kag maprotehiran ang purchasing power sang mga Pilipino.
