Nagsaka ang presyo sa factory gate sang Enero 2026, suno sa Philippine Statistics Authority (PSA), nga naganguna nga ginatulod sang mas mahal nga mga produkto nga pagkaon.
Nagdabong ang Producer Price Index (PPI) para sa manufacturing sang 1.5% sang Enero, mas madasig kun ipaanggid sa 0.8% sang Disyembre 2025 kag 0.9% sa kapareho nga bulan sang tinalikdan nga tuig.
Suno sa PSA, ang sektor sang pagkaon ang may pinakadako nga amot sa pagtaas sang PPI, nga nagrekord sang 1.3% nga pagtaas sang Enero.
Kaupod man sa mga nag-amot sa mas madasig nga pagtaas ang computer, electronics, optical products, kag machinery and equipment.
Sa kabug-usan nga 38.5% kontribusyon sang food manufacturing, magtaas man ang presyo sang computer kag electronics sang 2.6% kag machinery and equipment sang 2.2%. Sa 28 ka mga industry divisions, siyam ang nagreport sang pagtaas, samtang pulo ang nagrekord sang pagnubo sang PPI.
