Nagsaka pa sa $100 per barrel ang presyo sang gatong.
Ini ang labing una nga nagsaka ang presyo sa amo nga lebel humalin sang 2022 sa away sa tunga sang Russia kag Ukraine.
Nagakabalaka subong ang mga traders nga ang tension sa tunga sang US-Israel batuk sa Iran ang makaapekto sa global oil supply.
Ang away sa Middle East ang nagahatag sang kakugmat sa posible pag-atake sa oil refineries kag shipping routes.
Nagpaandam man ang Iran nga mahimo nila nga mangin target ang oil tankers nga nagalabay sa Strait of Hormuz.
Ginabanta 20% sang oil sa kalibutan ang nagalabay sa Strait of Hormuz , sa diin ini ang isa sa pinaka-importante nga alagyan para sa global energy.
Bangud sa amo nga kakulba, ang presyo sang gatong sa US ang nagsaka sang 18% ukon $108 per barrel.
Pila ka mga analysts ang nagasiling nga ang presyo mahimo pa magtaas sang $150 per barrel kun indi sa gihapon makalabay ang mga barko sa Strait of Hormuz.
Una na nga ginpahayag ni US President Donald Trump nga ang pagtaas sang presyo sang gatong ang “very small price to pay” para sa safety kag kalinong.
Suno sa iya, madasig lang nga magnubo ang presyo kun matapos na ang pagpamahog nga dala sang Iran.
