-- ADVERTISEMENT --
Naglab-ot sa P400 ang presyo sa karon sa kada kilo sang karne sang baboy sa Teodoro Arcenas Trade Center.
Sa pagpakig-angut sang Bombo Radyo sa meat vendor nga si Tatay Ryan, ang rason sang pagsaka sang presyo sang karne sang baboy bangud sa kakulangon sang suplay.
Nagikan pa suno diri sa Bacolod ang suplay sang baboy bangud wala naman sang kuhaan sa iban nga lugar subong man diri sa probinsya sang Capiz.
Pag-abot naman sa baligyaanay, ginpahayag ni Tatay Ryan nga may tion kun kaisa nga madahog apang kun kaisa may tion man nga mahina.
