MANILA, Philippines – Ginpahayag nga posible maglab-ot sa P9 kada kilowatt-hour ang presyo sang kuryente bangod sa nagapadayon nga krisis sa Middle East, nga nagpilit sa Energy Regulatory Commission (ERC), nga ipasuspender ang operasyon sang Wholesale Electricity Spot Market (WESM).
Epektibo ini sa Huwebes sa bug-os nga Luzon, Visayas kag Mindanao grids agud malikawan pa ang dugang nga pagsaka sang presyo sang kuryente.
Ini nga tikang nagasunod sa pagdeklara ni Ferdinand Marcos Jr. sang national energy emergency bangod sa kakulang sang suplay kag mataas nga presyo sang langis.
Suno sa Department of Energy (DOE), posible maglapaw pa sa P9/kWh ang presyo, gani ginmanduan ang pagamit sang lokal nga energy sources kag coal plants agud mapanubo ang gasto.
Samtang, magapatuman ang ERC sang temporaryo nga pricing mechanism samtang suspendido ang WESM, nga ginapaabot nga mapinal na antes Abril 1.
