Price guide para sa Noche Buena items, ipaguwa na sa Nobyembre

Target nga ipaguwa ang price guide para sa Noche Buena products sa bulan sang Nobyembre.

Ginpahayag ni Acting Trade Secretary Cristina Roque nga ginatun-an pa sa karon sang Department of Trade and Industry (DTI) kun ila nga pagaaprubahan ang paghulag sa mga presyo nga ginahirit sang mga manufacturer.

Sa karon suno sa DTI official, wala sang umento sa presyo sang Noche Buena products.

Matandaan nga sadtong 2023, nakitaan sang pagtaas ang presyo sang Noche Buena products kasubong sang ham kag fruit cocktails.

Ang pagtaas sang presyo ang bunga sang pagtaas sang presyo sang packaging materials, labor, power kag distribution base man sa mga manufacturer.