Nagapabilin sa gihapon sa Tropical Cyclone Wind Signal No.1 ang Probinsya sang Capiz bangud sa padayon nga paglaslas sang Tropical Storm Basyang.
Base sa Tropical Cyclone Bulletin No.18 nga ginpaguwa subong nga hapon, nakit-an ang sentro sang bagyo sa malapit sa Bilar, Bohol.
Ang bagyo Basyang ang may maximum sustained winds nga 55 km/h kag kabaskugon tubtob 75 km/h, samtang kag nagahulag pa-west northwestward sa kadasigon nga 20 km/h .
Sa Luzon, yara sa gihapon sa Tropical Cyclone Wind Signal No.1 ang bahin sang southern portion sang Occidental Mindoro , southern portion sang Oriental Mindoro , Romblon, northern portion sang Palawan lakip ang Cuyo Islands, Cagayancillo Islands, kag Calamian Islands, kag southern portion sang Masbate.
Sa Visayas, ginpaidalum man sa Tropical Cyclone Wind Signal No.1 ang bahin sang southern portion sang Eastern Samar , southern portion sang Samar , Guimaras, Iloilo, Capiz, Antique lakip na ang Caluya Islands, Aklan, Biliran, Bohol, Cebu, Negros Occidental, Negros Oriental, Leyte, Southern Leyte kag Siquijor.
Samtang sa Mindanao, yara sa Tropical Cyclone Wind Signal No.1 ang mga lugar sang Dinagat Islands, Surigao del Norte, Agusan del Norte, Misamis Oriental, Misamis Occidental, Camiguin kag Zamboanga del Norte.
Ginapanugyanan man ang publiko, ilabi na ang mga yara sa coastal areas kag mabukid nga bahin nga magpabilin nga alerto kag magsunod sa mga advisories sang local government units, PAGASA kag magpamati sa Bombo Radyo samtang padayon nga ginamonitor ang hulag sang bagyo.
